surah096

ٱقْرَأْ بِٱسْمِ رَبِّكَ ٱلَّذِى خَلَقَ١

Iqrə` bismi rəbbikə əlləzi xələq

Oxu! (Bu kitabı bütün məxluqatı) yaradan Rəbbinin adı ilə,

خَلَقَ ٱلْإِنسَـٰنَ مِنْ عَلَقٍ٢

Xələqəl insanə min ələq

O, insanı (Adəm övladını) laxtalanmış qandan yaratdı.

ٱقْرَأْ وَرَبُّكَ ٱلْأَكْرَمُ٣

Iqrə` vərəbbukəl əkrəm

Oxu (və tərəddüd etmə) ki, sənin Rəbbin (bütün kərimlərdən) daha kərimdir. (O səni oxuma-yazma bilməsən belə oxuda bilər).

ٱلَّذِى عَلَّمَ بِٱلْقَلَمِ٤

Əlləzi əlləmə bilqələm

O (Rəbbin) ki, (bəşərə) qələm vasitəsilə elm öyrətdi.

عَلَّمَ ٱلْإِنسَـٰنَ مَا لَمْ يَعْلَمْ٥

Əlləməl insanə ma ləm yə'ləm

İnsana bilmədiyini öyrətdi.

كَلَّآ إِنَّ ٱلْإِنسَـٰنَ لَيَطْغَىٰٓ٦

Kəlla innəl insanə ləyətğa

(İnsan bu nemətlər üçün şükr edirmi?! Xeyr) Belə deyil, (əksinə insan) həqiqətən, azğınlıq edər!

أَن رَّءَاهُ ٱسْتَغْنَىٰٓ٧

Ən rrəahu stəğna

Özünü ehtiyacsız gördüyü üçün.

إِنَّ إِلَىٰ رَبِّكَ ٱلرُّجْعَىٰٓ٨

Innə ila rəbbikə rruc'a

Şübhəsiz, (bütün canlıların öldükdən sonra dönüşü) sənin Rəbbinədir.

أَرَءَيْتَ ٱلَّذِى يَنْهَىٰ٩

Ərə`əytə əlləzi yənha

Mənə de, məgər o kəs ki, mane olur.

عَبْدًا إِذَا صَلَّىٰٓ١٠

Əbdən iza salla

Bir bəndəyə namaz qıldığı vaxt (məgər o, əzaba layiq deyilmi)?!

أَرَءَيْتَ إِن كَانَ عَلَى ٱلْهُدَىٰٓ١١

Ərə`əytə in kanə əlal huda

Mənə de, əgər (namaz qılan şəxs) doğru yoldadırsa,

أَوْ أَمَرَ بِٱلتَّقْوَىٰٓ١٢

Əv əmərə bit təqva

Yaxud (başqalarını) təqvalı olmağa çağırırsa (onda ona mane olmaq yaxşı bir işdirmi)?!

أَرَءَيْتَ إِن كَذَّبَ وَتَوَلَّىٰٓ١٣

Ərə`əytə in kəzzəbə vətəvəlla

Mənə de, əgər (bu mane olan haqqı) təkzib edir və üz döndərirsə (məgər əzaba layiq deyildirmi)?!

أَلَمْ يَعْلَم بِأَنَّ ٱللَّهَ يَرَىٰ١٤

Ələm yə'ləm bi`ənnə əllah yəra

Məgər bilmir ki, Allah (onun bütün əməllərini) görür?!

كَلَّا لَئِن لَّمْ يَنتَهِ لَنَسْفَعَۢا بِٱلنَّاصِيَةِ١٥

Kəlla lə`in lləm yəntəhi lənəsfə'ən bin nasiyəh

Belə deyildir! (Onun güman etdiyi kimi deyil. O güman edir ki, ona əzab verməyəcəyik). Şübhəsiz, əgər (inadından) əl çəkməsə, onun kəkilindən yapışıb (əzaba doğru) sürüyəcəyik.

نَاصِيَةٍ كَـٰذِبَةٍ خَاطِئَةٍ١٦

Nasiyətin kazibətin xati`əh

(Yolunu azmış) günahkar yalançının kəkilindən!

فَلْيَدْعُ نَادِيَهُۥ١٧

Fəlyəd'u nadiyəh

(Əgər istəyirsə) öz tərəfdarlarını (köməyə) çağırsın.

سَنَدْعُ ٱلزَّبَانِيَةَ١٨

Sənəd'uz zəbaniyəh

Biz də od məmurlarını çağırarıq.

كَلَّا لَا تُطِعْهُ وَٱسْجُدْ وَٱقْتَرِب١٩

Kəlla la tuti'hu vascud vaqtərib

Belə deyildir (o heç bir şey edə bilməz) Sən əsla ona itaət etmə! (Öz Rəbbinə) səcdə et və Ona yaxın ol!